Дээрлик үч саат өткөнүнө карабастан, митингчилердин алдына өкмөт өкүлдөрү чыга элек

Өкмөт үйүнүн алдында чек ара маселеси боюнча чыккан тараптар митингди улантууда. Арадан дээрлик эки саат убакыт өткөнүнө карабастан, чогулгандардын алдына өкмөт өкүлдөрү чыга элек.

Ал эми күч органдары өкмөт өкүлдөрү эл алдына чыга турганын билдиришти. Учурда митингге чыккандар эл өкүлдөрүн күтүп жатышат.

Белгилей кетсек, Кыргыз-Тажик чек арасындагы абал кайрадан курчуду. Чек ара кызматынын маалыматына ылайык, алгач Тажик жарандары эки өлкөнүн кесилишкен жеринен шагыл жүктөөгө аракет кылышса, кийинчерээк Головной суу алуучу жайына тажик чек арачылары көзөмөл камераларын орнотушкан. Буга нааразы болгон кыргыз тарап камераларды алып салууну талап кылып, эки тараптын ортосунда чыр чыккан.

Баткен районунун жарандык коргонуунун башчысы, аким тарабынан Ак-Сай, Ак-Татыр, Самаркандек айыл аймактарына өзгөчө кырдаал режими киргизилди.

Чек ара боюнча маанилүү маалыматтарды шилтеме аркылуу кирип окуй аласыз.