Бишкекте дагы эки мектеп аралыктан окууга өттү

Бишкекте дагы эки мектеп (№6, №33) аралыктан окууга өттү. Буга окуучулардан коронавирус табылганы себеп болду. Бул тууралуу мэриядан билдиришти.

Ушуну менен жалпы 16 мектеп онлайн режимде окууга өттү. Алар: № 24, 70, 67, 35, 12, 11, 65, 26, 63, 17, 64, 88, 62 жана 61.

Мындан тышкары мектепке барышы керек болгон 1 миң 862 окуучу ата-энесинин арызынын негизинде үйдөн окуп жатат.

Борбор калаада эпидемиялык абал курч бойдон калууда, акыркы сутка ичинде коронавирустук инфекция жана пневмония менен ооругандардын саны 224тү түздү.