Саламаттыкты сактоо министрлиги Баткен облусуна 54 тонна азык-түлүк жибергенин кабарлады

Саламаттыкты сактоо жана социалдык өнүктүрүү министрлиги Баткен облусуна 54 тонна азык-түлүк жиберди. Бул тууралуу аталган министрликтин маалымат кызматынан бидиришти.

Мындан тышкары жөнөтүү үчүн дары-дармектердин жана медициналык таңуу материалдарынын тизмеси түзүлүп жатканын кошумчалашты.

Эске салсак, кечээ, 28-апрелде Кыргыз-Тажик чек арасындагы абал кайрадан курчуду. Чек ара кызматынын маалыматына ылайык, алгач Тажик жарандары эки өлкөнүн кесилишкен жеринен шагыл жүктөөгө аракет кылышса, кийинчерээк Головной суу алуучу жайына тажик чек арачылары көзөмөл камераларын орнотушкан. Буга нааразы болгон кыргыз тарап камераларды алып салууну талап кылып, эки тараптын ортосунда чыр чыккан.

Буга байланыштуу борбор калаада "Баткен, сен жалгыз эмессиң" аталышындагы тынчтык митинги болуп өттү.

Чек ара боюнча маанилүү маалыматтарды шилтеме аркылуу кирип окуй аласыз.