Владимир Путин Кыргыз өлкөсү менен Тажикстандын ортосундагы жаңжалды жөнгө салууда ортомчулук кылууга даяр

Орусиянын президенти Владимир Путин Кыргыз өлкөсү менен Тажикстандын ортосундагы жаңжалды жөнгө салууда ортомчулук кылууга даяр экендигин анын басма сөз катчысы Дмитрий Песков билдирди. Бул тууралуу орусиялык басылмалар жазышты.

"Жамааттык коопсуздук келишим уюму (ЖККУ) жана ушул сыяктуу жалпылыгыбызды эске алганда, Путин Кыргыз-Тажик чек арасындагы жаңжалды жөнгө салууда ортомчулук кылууга даяр. Ал буга чейин дагы мындай кырдаалдарда ортомчулук кылып келген. Учурда эки өлкө ортосундагы дипломатиялык иштерге жана ок атууну токтотуу чечимине оң баа берип, кубаттайбыз", - деди мамлекет башчынын басма сөз катчысы Дмитрий Песков жыйында.

Эске салсак, Кыргыз өлкөсү менен Тажикстандын чек арасында эки өлкөнүн аскер күчтөрүнүн ортосунда атышуу болгон. Учурда кыргыз тараптан жаракат алган адамдардын саны 134кө жетип, 13 адам каза болду.