Москвада "Баткенге жардам" аталышындагы колдоо штабы түзүлдү

Кыргыз өлкөсүнүн Орусиядагы элчилигинде Кыргыз-Тажик чек арасындагы чыр-чатак учурунда жабыр тарткан Баткен облусундагы мекендештерге колдоо көрсөтүүнү каалагандар үчүн "Баткенге жардам" колдоо штабы түзүлдү. Бул тууралуу элчиликтен кабарлашты.

"Москва шаарындагы ар бир кайдыгер эмес Кыргыз Республикасынын жараны тамак-аш, кийим-кече, дары-дармек жана башка буюмдар түрүндө каражат чогултууга жардам бере алат.

Штабда элчиликтин кызматкерлери тийиштүү жерге жиберүү үчүн жарандык коомдон, диаспора уюмдарынын өкүлдөрүнөн жана бардык жардам берүүнү каалаган жарандардан гуманитардык жардам чогултат", - деп айтылат маалыматта.

Дареги: Москва шаары, Большая Ордынка көчөсү 64. Штаб саат 09.00дөн 19.00гө чейин күнүгө элчиликтин имаратында иш алып барат. Байланыш телефону: +7 925 324 – 24 – 80, +7 903 793 – 12 - 99