Ырчы Нуриза Абазованын бир тууганы Бакытбек Абазов каза болду

Кыргыз Республикасынын Эмгек сиңирген артисти Таалайкан Абазова менен эстрада ырчысы Нуриза Абазованын бир тууганы Бакытбек Абазов каза болду. Бул тууралуу ырчы социалдык тармактагы баракчасы аркылуу билдирди.

"Баарыбызга баш-көз болуп турчу элеңиз. Бир боорум, бир тууганым. Акыры ажал сизди бизден алып кетти. Бала кезибизде "мен силерге ким болом?" деп сураганыңызда "көсөмүбүз болосуз" десек ыраазы болуп калчу элеңиз. Эми биз көсөмүбүздөн айрылып калдык", - деп жазган ырчы.

Өнөр адамдарынын бир тууганы Бакытбек Абазов боордун циррозу жана 2-типтеги кант диабети менен жабыркап келген. Ага өткөн жылдын ноябрь айында Орусиянын Новосибирск шаарында операция жасалган. Бакытбек Абазовго өзүнүн баласы донор болуп берери кабарланган.

SUPER.KG порталынын эмгек жамааты Бакытбек Абазовдун дүйнөдөн кайтканына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.