4-майга карата өлкөдө 33 миң 500 адам коронавируска каршы эмдөөдөн өттү

Бүгүн, 4-май Баткен облусундагы жабыркагандарга жардам, эпидемиологиялык кырдаал жана эмдөө боюнча маалымат жыйын өтүүдө.

Анда Республикалык эмдөө борборунун директору Гүлбара Ишенапысова эмдөө иштери кандай жүрүп жаткандыгы тууралуу маалымат берди.

“29-марттан бери эмдөө кампаниясы жүрүп жатат. Статистика боюнча 33 миң 500 адам эмдөөдөн өттү. 5 миңдей мугалим, 15 миң 980 медицина кызматкери, 3 миң 800 жашы 65 жаштан өткөн адамдар, 870 мамлекеттин кызматкерлери эмдөө алышты”, - деди Ишенапысова.