ИИМ: "Сүйүн Өмүрзаков Баткендеги катталган фактыларды ыкчам жана мыйзам чегинде тергөөнү көзөмөлдөөдө"

Ички иштер министринин биринчи орун басары Сүйүн Өмүрзаков Баткен облусунун чек арага чектеш аймактарында катталган фактыларды ыкчам жана мыйзам чегинде тергөөнү көзөмөлдөөдө. Бул тууралуу ИИМдин басма сөз кызматынан билдиришти.

"Баткен облусундагы бардык фактыларды ыкчам жана мыйзам чегинде тергөө, аныктоо иштерин Сүйүн Өмүрзаков көзөмөлдөөдө. Ал иликтөөнүн жүрүшү боюнча 48 тергөө тобунун катышуусунда жыйын өткөрүп, отчётторун укту. Ар бир тергөө тобуна аткарган иштери боюнча кошумча тапшырмаларды берип, келтирилген чыгымдарды тез арада тактоону жана иликтенип жаткан иштерди кыска мөөнөттө аягына чыгарууну талап кылды", - деп жазылат маалыматта.

Бүгүн, 5-майга карата Баткен облусунун аймагында, мамлекеттик чек арасынын кыргыз-тажик тилкесинде абал туруктуу.