Атактуу жеңилбес мушкер Флойд Мейвезер өзү беттешкен мушкерлердин ичинен эң мыктысы ким экенин айтты

Атактуу америкалык жеңилбес мушкер Флойд Мейвезер филиппиндик мушкер Мэнни Пакьяону карьерасындагы мыкты мушкер деп эсептейт. Бул тууралуу Мейвезер америкалык басылмалардын бирине берген маегинде айткан.

"Мен беттешкен эң мыкты мушкер бул - Мэнни Пакьяо. Ал рингдин ичине киргенде укмуштуудай жана өтө тез кыймылдайт. Ал өтө күчтүү мушкер. Мен анын эмне үчүн ушунча беттеште жеңишке жеткенин жакшы түшүнөм", - деген Мейвезер.

Пакьяо менен Мейвезер 2015-жылы май айында беттешкен жана Мейвезер калыстардын чечими менен жеңүүчү аталган. Флойд Мейвезер карьерасында жалпы 50 беттеш өткөрүп, бардыгында жеңишке жеткен.