Чүйдө түндө кызды унаага салып уурдап кетишкен. Милиция шектүүнү табууга жардам сурайт

5-май күнү Чүй облусунун Лебединовка айылынан 1995-жылы туулган Изат Курбанованы уурдаганга шектелген адамдын өздүгү аныкталды. Бул тууралуу Чүй ОИИББинин басма сөз кызматынан билдиришти.

Маалыматка ылайык, учурда кызды издөө иштери улантылып жатат.

"Кылмышка шектүүнүн өздүгү аныкталып, ал 1997-жылы туулган Абдумалик Мамаяров экендиги белгилүү болду. Шектүүнүн туугандары сурак учурунда Мамаяровдун кайда экенин билбей тургандыгын жана ал уурдалган Изат Курбанова менен буга чейин достошуп келишкенин айтышты", - деп жазылган маалыматта.

Чүй ОИИББи Изат Курбанова менен Абдумалик Мамаяровдун жүргөн жери тууралуу маалыматка ээ болгон жарандарды төмөндөгү телефондор аркылуу байланышып, милиция кызматкерлерине кабарлап коюуну суранат:

0312 43 01 27, 43 88 85, 0701 26 63 01, 0312 36 35 27