"Апа, мен аны кандай сүйөрүмдү сен билесиң да". Уурдалды делген Изат Курбанова ата-энесине кайрылып, өз эрки менен кеткенин айтты

Буга чейин Чүйдүн Лебединовка айылынан 1995-жылы туулган Изат Курбанова уурдалганын Чүй ОИИББинин маалымат кызматы кабарлаган. Кийинчерээк аны уурдаганга шектелген 1997-жылы туулган Абдумалик Мамаяров изделип жаткандыгы белгилүү болгон.

Уурдалды делген Изат Курбанова өз эрки менен кеткендигин айтып ата-энесине кайрылуу жасады. Мындай видео социалдык тармактарда тароодо.

"Ата, апа, кандайсыңар? Менде баары жакшы, кабатыр болбогула. Мен туура эмес кылдым, бирок, апа, мен аны кандай сүйөрүмдү сен билесиң да. Бул тууралуу мен сага ар дайым айтчумун. Бул үчүн баарыңардын урушканыңарды каалабайм. Чындыгында силердин алдыңарда ыңгайсыз болуп турам. Мен үчүн көп нерсе жасаганыңарды билем. Бирок мен да ушуну кааладым. Ата, апа, ушундай болуп калганы үчүн мени кечирип койгула.

Абдумалик мени уурдаган жок. Мен өз каалоом менен кеттим. Мени кечиргиле", - деп билдирди Курбанова өз кайрылуусунда.