Баткен эли колдоо көрсөткөн мекендештерге жана дүйнө коомчулугуна ыраазычылык билдирди

Баткен эли колдоо көрсөткөн мекендештерге жана дүйнө коомчулугуна ыраазычылык билдирди. Бул тууралуу өкмөттүн Баткен облусундагы ыйгарым укуктуу өкүлүнүн басма сөз кызматынан кабарлашты.

"Кыргыз-Тажик чек арасында болуп өткөн окуяларга байланыштуу “Баткен облусунда ондогон өмүрлөр кыйылып, жүздөгөн жарандар жаракат алып, жүздөгөн үй-бүлөлөр турак жайсыз калды” деген кабарды ар бир мекендешибиз оор жоготуу катары кабыл алганын сезип турабыз.

Мындан улам кайрымдуу инсандар тарабынан “Баткен, биз сени менен” деген ураан аркылуу моралдык жана материалдык колдоо көрсөтүү иштери ыкчам жана аябай активдүү уюштурулуп жатат.

Кыргыз эли ынтымагын, биримдигин жана берешендигин дагы бир ирет далилдеди. Бул күндөрү бизге өлкө аймагынан эле эмес, дүйнө коомчулугунан да жардамдар келип жатат", - деп жазылат маалыматта.