Казандагы куралдуу атышуудан 25 жаштагы мугалим окуучусун октон сактап калууга аракет кылып, өзү окко учкан

Казандагы мектептеги куралдуу кол салуудан улам курман болгон 25 жаштагы мугалим Эльвира Игнатьева окуучусун сактап калууга аракет кылган. Мындай маалымат чет элдик басылмаларда жазылды.

Андагы маалыматка караганда, англис тили сабагынан берген 25 жаштагы Эльвира Игнатьева кылмышкердин огунан окуучуну сактап калуу үчүн аны четке түртүп, өзү 19 жаштагы Ильназ Галявиевдин огунан курман болгон.

Мектеп жамаатынын айтымында, Эльвира Игнатьева 2018-жылы "жылдын мугалими" сынагында 2-орунга ээ болгон. Ошондой эле ал Инстаграм социалдык тармагындагы баракчасына позитивдүү жашоого шыктандыруучу постторду жарыялап турчу.

Андан сырткары учурда жандандыруу бөлүмүндө математика сабагынан берген мугалим өтө оор абалда жаткандыгы айтылууда. Ага Ильназ Галявиев биринчи ок чыгарган.

Буга чейин Казандагы мектепке 2 жигит курал менен кол салып, андан 11 адам каза болуп, 32 адам жаракат алгандыгы, ошондой эле атышууну уюштурган эки жигит тең колго түшүрүлгөндүгү жазылган.