Ысык-Көлдүн аймагында 4 айда өрттүн кесепетинен 13 миллион сомго чукул зыян келди

2021-жылдын 4 айында Ысык-Көл облусунун аймагында 115 өрт кырсыгы катталып, материалдык чыгым 12 миллион 59 миң 93 сомду түздү. Бул тууралуу ӨКМнын Ысык-Көл облусу боюнча башкармалыгынан билдиришти.

Билдирүүгө ылайык, өрттүн кесепетинен эки адам каза болуп, 6 адам жаракат алган. Эң көп өрт турак жай секторунда катталган.

"Өрт-куткаруу бөлүмдөрүнүн өздүк курамынын күчү менен өрттү өчүрүүдө 92 миллион сомдон ашуун материалдык баалуулуктар сакталган. Өрттүн негизги себептери - электр жабдууларын эксплуатациялоо эрежелерин бузуу, отко этият мамиле кылбоо, тамеки чегүүдө этиятсыздык жана башкалар болуп саналат", - деп жазылат маалыматта.

Облустагы өрттүн жайылышы:

• Каракол шаары - 26;
• Балыкчы - 15;
• Ак-Суу району - 14;
• Жети-Өгүз району - 13;
• Ысык-Көл району- 18;
• Тоң району - 17;
• Түп району - 12.