Айт намазы өлкө аймагындагы бардык мечиттерде санитардык талаптарды сактоо менен окулат. Талаптар кандай?

Өлкөдөгү эпидемиологиялык абалга байланыштуу Орозо айт намазы эски аянтта өткөрүлбөйт. Бирок Бишкек шаарындагы жана өлкө аймагындагы бардык мечиттерде окулуп, таңкы саат 07:00дө башталат. Бул тууралуу муфтияттан билдиришти.

Маалыматка ылайык, Айт намазга келген ар бир жаран төмөнкү санитардык эрежелерди так сактоосу талап кылынат. Алар:

Бет каптын болуусу талап кылынат;

Ар бир адам жайнамазын ала келүү сунушталат;

Мечитте адамдардын ортосунда 1,5 метрдик аралыкты так сактоо;

Жарандардын кол алышып, кучакташып көрүшүүсүнө тыюу салынат;

Дааратты үйдөн алуу;

Жаш балдар жана ооругандар, дене табы көтөрүлүп жаткан жарандардын келбөөсү талап кылынат;

Айт намазы мечиттерде окулуп бүткөн соң көп убакытка кармалбай тарап кетүү сунушталат.