Өлкөдө ВИЧ инфекциясын жуктуруп алган 11 миңге чукул адам катталган

Жыл сайын май айынын үчүнчү жекшембисинде СПИД илдетинен каза болгондорду эскерүүнүн эл аралык күнү белгиленет. Буга байланыштуу Республикалык СПИД борбору аталган илдеттин Кыргыз өлкөсүндө жайылышы боюнча айрым маалыматтар менен бөлүштү.

Белгилүү болгондой, ушул жылдын 1-майына карата өлкөдө ВИЧ инфекциясын жугузуп алган 10 миң 644 адам катталган. Алардын 10 миң 59у Кыргыз жарандары. Бул оору 2311 адамдын өмүрүн алды.

"Бүгүнкү күндө ВИЧ өлүмгө алып келүүчү дарт эмес экенин түшүнүү абдан маанилүү. Антиретровирустук дарылардын жардамы менен ВИЧ инфекциясы өлүмгө алып келе турган илдеттердин категориясынан өнөкөт оорулардын катарына кошулган. Эгерде аталган инфекцияны өз убагында аныктап, көзөмөлгө алса адамдын өмүрүнө дээрлик коркунуч болбойт", - деп айтылат маалыматта.