Чүйдө изделип жаткан 16 жаштагы кыз табылды

Чүй облусунда дайынсыз болуп изделип жаткан 16 жаштагы кыз табылды. Бул тууралуу SUPER.KG порталына облустук милициядан билдиришти.

Ал эми Чүй ОИИББинин маалымат кызматынан кыз кайсы жакта, эмне кылып жүргөндүгү тууралуу маалыматты тактап беришерин убадалашты.

Эске салсак, буга чейин Чүй облусунун Жайыл районунда 16 жаштагы Сальмина Асылбекова аттуу кыз дайынсыз болуп изделип жатканы маалымдалган.

Анда 3-май күнү Жайыл райондук милициясына 1968-жылы туулган жаран арыз менен кайрылып, 2005-жылы туулган кызы 25-апрель күнү болжол менен саат 12:00 чамасында Кара-Балта шаарындагы үйдөн чыгып кеткен бойдон кайрылып келбегенин жазган.

Ошондой эле аталган 16 жаштагы кыз буга чейин үйдөн бир нече жолу качып, милиция кызматкерлери тарабынан табылып үйүнө жеткирилгенин кошумчалашкан.