Баткенде 61 жаштагы киши бир аптадан бери дайынсыз болуп изделүүдө

Баткен облусунда 61 жаштагы Кутмамат Саипов аттуу жаран дайынсыз болуп изделүүдө. Бул тууралуу облустук милициянын басма сөз кызматынан билдиришти.

Маалыматка караганда, 14-май күнү 13:00 чамаларында Баткен районунун Зардалы айылынын тургуну Жылы-Суу участкасында Кара-Бак - Зардалы маршруттук каттамынан белгисиз тарапка түшүп кеткен бойдон дайынсыз болууда.

Бул факты Баткен РИИБинин электрондук журналына "дайынсыз жоголуу" фактысы менен катталып, издөө иштери жүрүп жатат.

Кийген кийимдери: үстүндө кара түстөгү жемпир, астында кара түстөгү шым, бутунда кара түстөгү бут кийим.

Белгилери: Бою 165-170 сантиметр, чачы ак, сакал-муруту бар.

Милиция сүрөттөгү жаранды таанып же көрүп калса, төмөнкү номерлерге кайрылууну суранат: (03622) 5-17-56, 0774 77-86-88, 0709 73-66-37.