Нарында ата-энелерге балдарына көзөмөлдү күчөтүп, максаты жок кечинде көчөгө чыгарбоо эскертилүүдө

Нарын облусунун Ат-Башы районунда милициянын көчмө кабылдамасы өз ишин улантууда. Бул тууралуу облустук милициядан билдиришти.

Ат-Башы РИИБинин кызматкерлери милициянын көчмө кабылдамасы менен район аймагында жалпы билим берүүчү орто мектептеринде окуу жылы аяктап жаткандыгына жана акыркы коңгуроо онлайн режиминде өтүлүп жаткандыктан, мектеп окуучуларынын коомдук коопсуздугун жана ар кандай кылмыш кырсыктардын алдын алуу максатында атайын иш мерчемдер түзүлүп, профилактикалык түшүндүрүү иштерин улантууда.

Мындан тышкары өспүрүмдөр арасында чоң адамдардын коштоосу жок жайкы эс алуучу жайларда эс алууну уюштурууну болтурбоо максатында айыл аймактарды кыдыруу менен эс алуучу жайларды иштетип жаткан жарандар менен жеринен жолугуп, түшүндүрүү иштери жүргүзүлүп жатат.

Ошондой эле быйылкы бүтүрүүчү мектеп окуучуларынын ата-энелерине балдарына карата көзөмөлдү күчөтүү, максаты жок кечинде көчөгө чыгарбоо жагы эскертилип жатат.