"Кош бойлуу эмесмин, болгону кыялымды клипте ишке ашырдым" дейт ырчы Айганыш Абдиева

Буга чейин ырчы Айганыш Абдиева өзүнүн социалдык тармактагы баракчасына кош бойлуу болуп турган сүрөтүн киргизип, "Кандай деп ойлойсуздар, кыз же уулбу??? Ким ким үчүн? Мен кыз болсо дейм. Буюрса, мен сага кыз төрөп берем" деген билдирүүсүн калтырган.

Буга чейин кош бойлуулугу байкалбаган ырчынын бул сүрөтү катталуучуларынын арсында кызуу талкууга алынды. Алар "Жолдошу бар беле? Кимден? Мен сиздин башыңыз бош деп ойлогом" деп жазышса. Кээ бир чыгармачылыктагы достору куттуктоолорун жана "аман-эсен көз жарып ал" деген жылуу сөздөрүн калтырышкан.

SUPER.KG порталы ырчы менен байланышканда сүрөт съемка учурунда тартылганын айтты.

"Сүрөттү киргизгенде мен деле мынчалык талкууга алынарын билген эмесмин. Жашоомдо кыздуу болсом деп кыялданам. Ошол кыялымды жакында жаңы чыга турчу клибимде ишке ашырдым. Бул сүрөт съемка учурунда тартылган", - деди күлүп.