Бишкекте эми коомдук транспортто QR кодун колдонуп, жол кире төлөөгө болот

"Тулпар" QR кодун колдонуп, муниципалдык коомдук транспортто жол кире акысын төлөөнүн пилоттук долбоорун баштады. Бул тууралуу шаардык мэриянын маалымат кызматынан билдиришти.

Билдирүүдө айтылгандай, функция жеткиликтүү болушу үчүн Tulpar мобилдик тиркемесин жаңылоо зарыл

Жол кире акысын төлөө үчүн телефонуңузга Tulpar тиркемесин ишке киргизип, төмөнкү оң бурчтагы плюс белгисин басып, QR кодун сканерлеп же түздөн-түз кире бериштеги салондо турган транспорттук кодду теришиңиз керек.

QR кодун колдонуу №2, 4, 5, 6, 7, 8, 9, 10, 11, 14, 17 троллейбустун бардык каттамдарында жана
№38 автобус каттамында колдонсо болот. Жакында транспорттун калган бөлүгүнө QR коддору орнотулат.

Эскертүү! Төлөнгөн жол кире акысы тастыктамасын "Саякат тарыхы" бөлүмүнөн байкоого болот.