Төрт талапкер ат салышат. Кыргыз мамлекеттик медициналык академиясынын ректорун шайлоо өтөт
Иса Ахунбаев атындагы Кыргыз мамлекеттик медициналык академиясынын ректорлугуна шайлоо өтөт. Бул тууралуу аталган окуу жайдын социалдык тармактагы баракчасына жарыяланды.
Маалыматка караганда, окуу жайдын ректорлук кызматына шайлоо 29-майда өтөт. Ректорлук кызматка төрт талапкер аттанган. Алар:
1. Медицина илимдеринин доктору, профессор Зиябидин Айдаров;
2. Медицина илимдеринин доктору, профессор Эркин Алымбаев;
3. Медицина илимдеринин доктору, профессор Индира Кудайбергенова;
4. Медицина илимдеринин доктору, профессор Жолдошбек Шаршенбиев.
"Шайлоо кампаниясынын тартибине ылайык, талапкерлер шайлоочулар менен жолугуп, өз программаларын сунуштап жатышат. Шайлоочулардын саны 800гө жакын. Алардын арасында академиктер, Улуттук илимдер академиясынын мүчө-корреспонденттери, кафедра жетекчилери жана аталган окуу жайдын бөлүм башчылары бар. 28-май үгүт иштеринин акыркы күнү", - деп айтылат маалыматта.

