Министрлик: "Бүтүрүүчүлөр аттестат жана күбөлүктү акысыз алышат"

Бүтүрүүчүлөр жана ата-энелери мектеп тарабынан аттестат толтуруу үчүн акча чогултуп жатышат деген кептерди кулак чалып калган жерибиз бар. Быйыл андай иш-чаралар кайталанбайбы? Аттестат үчүн акча төлөнөбү? деген суроо менен Билим берүү жана илим министрлигине байланышканыбызда төмөнкүлөрдү билдиришти.

"Жалпы билим жөнүндө күбөлүк жана жалпы орто билим жөнүндө аттестат бүтүрүүчүлөргө акысыз берилет. Мектеп тарабынан ал үчүн акча чогултуу мыйзамсыз", - деп айтты басма сөз кызматынан.