Бишкектин 6-кичи районунда жаңы сквердин ачылышы орун алды

Бишкектин 6-кичи районунда Сухе Батор жана Юнусалиев көчөлөрүнүн кесилишинде жаңы сквердин ачылышы орун алды. Бул тууралуу Бишкек шаардык мэриясынын маалымат кызматынан билдиришти.

Билдирүүгө ылайык, сквердин ачылышына мэрдин милдетин аткаруучу Бакытбек Кудайбергенов жана шаар коноктору катышты.

"Бишкек асфальт сервис" тарабынан ирригациялык арыктар, тротуар жана жол бордюрлары, темир-бетон сугат түтүктөрү, темир капкактар, темир тосмолор орнотулуп, асфальт төшөлдү.

"Бишкек жашыл чарба" 26 каталпа көчөттөрүн отургузуп, жашыл аянттарды санитардык кесүү, түшүрүү, жерди тегиздөө, газон себүү иштерин жүргүздү. Жакын арада дагы 11 жалбырактуу бак-дарактар отургузулат. Сейил бактагы жашыл аянттарга автоматтык сугаруу каралган.

25 отургуч, сырткы жарык берүүчү мамылары (18 даана 6 метрлик, 14 даана 3 метрлик), 24 таштанды урнасы, автоматтык сугаруу тутуму орнотулуп, брусчатка төшөлүп, арыктар казылды, бордюрлар, узундугу 700 чарчы метрди түзгөн ирригациялык тармак, акысыз Wi-Fi орнотулуп, 50 чоң бак жана 7 ийне жалбырактуу көчөттөр жана гүлдөр отургузулду", - деп жазылат маалыматта.