Бишкек шаардык мэриясы маршруттук таксилердин айдоочулары менен сүйлөшүүлөрдү жүргүзүүдө

Мэрия маршруттук таксилердин айдоочулары менен сүйлөшүүлөрдү жүргүзүүдө. Бул тууралуу шаардык транспорт башкармалыгынын башчысынын милдетин аткаруучу Эмил Ункуев билдирди.

"Январь айында маршруттук таксилердин айдоочулары иш таштаганда жумушчу топ түзүлгөн. Бүгүнкү күндө ал жумушчу топ ишин Экономика министрлигине өткөрүп берген.

Мэрия өз жумушун аткарды. Шаардык кеңеш бул маселени карап бериши керек.

Бүгүнкү күндө биз аларды түшүнүп турабыз", - деди шаардык транспорт башкармалыгынын башчысынын милдетин аткаруучу Эмил Ункуев.

Ошондой эле учурда маршруттук таксилердин айдоочулары менен шаардык мэрия сүйлөшүүлөрдү өткөрүп жатканын кошумчалап өттү.

Белгилей өтсөк, бүгүн, 2-июнда борбор калаада маршруттук таксилер жол акысын көтөрүү максатында каттамга чыккан эмес. Мэриядан саат 11:00дөн тарта каттамдар калыбына келтирилери айтылган болчу.