5-июнда Бишкектин бир катар көчөлөрүндө таза суу берилбейт

5-июнда Бишкектин бир катар көчөлөрүндө суу түтүктөрүндөгү оңдоп-түзөө иштерине байланыштуу таза суу убактылуу өчүрүлөт. Бул тууралуу шаардык мэриянын маалымат кызматынан билдиришти.

Маалыматка ылайык, саат 08:00дөн 22:00гө чейин төмөнкү аймактарда таза суу убактылуу берилбейт:

- Ауэзов - Шабдан Баатыр көчөлөрү (Чүй кең көчөсү) - темир жол линиясы - "Учкун" конушунун аягына чейин;

- Исакеев - Шабдан Баатыр - Ауэзов - Чокон Валиханов көчөлөрү;

- Лев Толстой көчөсү Ауэзов көчөсүнөн Аламүдүн дарыясына чейин;

- "Төкөлдөш" (7-Апрель көчөсү - темир жол линиясы - Менделеев көчөсү).

"Бишкек суу канал" ишканасы келтирилген ыңгайсыздык үчүн кечирим сурайт жана суу камдап алууну өтүнөт.