Бишкек шаарында бир суткада 169 адамдан коронавирус аныкталды

Бир сутка ичинде Бишкек шаарында 169 адамдан коронавирус илдети аныкталды. Бул тууралуу Бишкек шаарынын мамлекеттик санитардык-эпидемиологиялык көзөмөлдөө борборунун мамлекеттик эпидемиологиялык көзөмөлдөө боюнча башкы дарыгердин орун басары Айнагүл Рыскулбекова брифингде билдирди.

"3-июнга карата коронавирус илдети 169 адамдан аныкталды. Анын ичинен 142си лаборатордук жол менен тастыкталгандар. 27си клиника-эпидемиологиялык пневмония. Бишкек шаарынын райондору боюнча:

Ленин району - 46;

Свердлов району - 43;

Биринчи Май району - 34;

Октябрь району - 22.

Ал эми башка региондон келгендердин ичинен 35 адамдан илдет аныкталды. Ооруканага жаткырылгандардын саны 39, үй шартында дарыланып жаткандар 130", - деп билдирди Рыскулбекова.