Орхан Инандыны табууга жардам бергендерге сыйлык берилет

"Сапат" лицейинин бүтүрүүчүлөрү, Орхан Инандынын үй-бүлөсү жана достору анын жүргөн жери жөнүндө так маалымат үчүн сыйлык төлөөгө даяр. Бул тууралуу аталган окуу борборунан SUPER.KG порталына билдиришти.

"Сапат" окуу комплексинин директору Орхан Инанды боюнча кимде так маалымат болсо, бизге кабарлап коюусун өтүнөбүз. Маалымат менен камсыз кылгандарга Орхан Инандынын жакындары, туугандары, достору тарабынан сыйлык каралган", - дешти мекемеден.

Маалымат берүүчүнүн аты-жөнү жашырыла тургандыгына кепилдик берилет. Орхан Инанды тууралуу кандайдыр бир маалымат билгендер болсо 0550049050, 0555155144 номерлерине байланышса болот.

Буга чейин "Сапат" билим берүү мекемесинин негиздөөчүсү Орхан Инанды дайынсыз болуп изделип жатканы кабарланган.

Анда 1-июнь күнү болжол менен саат 4:20да "102" кызматына 12-кичи районундагы көп кабаттуу үйлөрдүн биринде Lexus 470 үлгүсүндөгү унаасынын эшиги ачылып, ичинде ээси жок бош турганы тууралуу билдирүү келип түшкөн. Милиция кызматкерлери айтылган дарекке барганда, Орхан Инандынын баласы арыз менен кайрылган. Анда атасы 31-майда кечки саат 18:00дө байланышка чыккан бойдон дайынсыз экенин жазган.