Саламаттыкты сактоо министри республикалык штабдын курамы өзгөргөнүн айтты

Саламаттыкты сактоо жана социалдык өнүктүрүү министри Алымкадыр Бейшеналиев республикалык штабдын курамы өзгөргөнүн айтты. Бул тууралуу ал бүгүн, 3-июнда Жогорку Кеңештин жыйынында билдирди.

Анын айтымында, республикалык штабды министрлер кабинетинин төрагасынын орун басары Жылдыз Бакашова жетектейт.

"Мен анын орун басары болуп дайындалдым. Министрдин орун басарлары жана тиешелүү мамлекеттик органдар штабдын курамына киришти", - деди ал.

Жогорку Кеңеште Саламаттыкты сактоо жана социалдык өнүктүрүү министрлигине коронавирустук инфекцияга каршы вакцинаны сатып алуу үчүн каражат бөлүп берүү жөнүндө токтом долбоору каралууда.