Баткенде дайынсыз болуп изделип жаткан 53 жаштагы аял табылды

Буга чейин Баткен облусунда 53 жаштагы Батма Мурзалиева дайынсыз болуп изделип жатканы кабарланган. Ал кечээ, 2-июнь күнү аман-эсен табылды. Бул тууралуу Баткен ОИИБинин маалымат кызматынан билдиришти.

Маалыматка ылайык, ал милиция кызматкерлери тарабынан Баткен районунун аймагында жүргөн жеринен табылып, жакын туугандарына өткөрүлүп берилди.

Белгилей кетсек, ал 24-май күнү саат 08:30 чамаларында Самаркандек айылындагы өзү жашаган үйүнөн чыгып кеткен бойдон дайынсыз болуп жаткан. Ал психикалык жактан жабыркап келген.