Ырчы Асел Кадырбекова күйөрманынын "кайра турмушка чыгуу тууралуу оюңуз барбы?" деген суроосуна жооп берди

Ырчы Асел Кадырбекова социалдык тармактагы баракчасы аркылуу күйөрмандарынын суроолоруна жооп берди. Анда бир күйөрманы ырчыга "Кайра турмушка чыгуу тууралуу оюңуз барбы?" деп суроо салган. Бул суроого ал "Андай оюм жок. Убакыт көрсөтөт" деп жооп берген.

Ошондой эле ал учурда апасынын батиринде жашап жатканын кошумчалаган.

“Мен эч качан бай болгон эмесмин. Бирок эмнегедир көпчүлүк мени ошондой кабыл алышат. Болгону табит менен кийингенди билем. Апам мени жалгыз өстүрдү. Ал тиш доктур болуп иштейт. Ушу менен жашачубуз, азыркыга чейин жашайбыз. Нааразычылык жок. Кудайга шүгүр, апам мага бардык жакшы нерсени тартуулады. Менин апам – алтын адам! Азыр апамдын эки бөлмөлүү батиринде жашап жатабыз. Буюрса, батирди кеңейтүү планыбыз бар. Бирок убакыт керек. Апама жардам берүү үчүн алгач калыбыма келишим керек”, - деген ырчы.

Эске салсак, Нурлан Насип менен Асел Кадырбекованын эки ажырым жолго түшкөнү интернет желесине тараган. Бул кептердин чын-бышыгын азырынча түгөйлөр тастыкташа элек.