"Унаа" ишканасынын Аламүдүн райондук бөлүмү бир аптадан бери иштебей жатабы? Мекеменин жообу

Социалдык тармактарда Мамлекеттик каттоо кызматынын "Унаа" ишканасынын Аламүдүн райондук бөлүмү бир жумадан бери иштебей жатат деген билдирүү тарады. Аталган кызматка маалыматты тактоо максатында байланышканыбызда, мекеме иштеп жатканын айтышты.

"Унаа" ишканасынын Аламүдүн райондук бөлүмү 28-майда иштеген эмес жана бүгүн, 4-июнда оңдоо иштерине байланыштуу иштеген жок. Бул тууралуу маалымат каражаттары аркылуу билдирүү таратканбыз", - дешти басма сөз кызматынан.

Белгилей кетсек, буга чейин Төмөнкү Ала-Арча айылында электр берүү линияларында оңдоп-түзөө иштерине байланыштуу Төмөнкү Ала-Арча айылы Школьная, 7а дарегинде жайгашкан "Унаа" мамлекеттик мекемесинин Аламүдүн райондук бөлүмү иштебей турганы айтылган.