Ош ОИИББи: "Чоң-Алайга бара жаткан тик учактын кырсыкташына шамал себеп болушу мүмкүн"

Тик учактын кырсыкташы шамалдан улам болушу мүмкүн. Бул тууралуу SUPER.KG порталына Ош ОИИББинин маалымат кызматынан билдиришти.

"Кичи-Алайдын аймагында кулаган Коргоо министрлигинин тик учагы шамалдын багытына каршы учуп кулаган деген алдын ала божомол бар. Себеби ал жерде эки бийик тоонун ортосунан учуп өтөт. Учурда жерине Ноокат РИИБинин тергөө кызматы бара жатат. Алар жеткенден кийин кайсы аймакка кирери такталат. Себеби Араван, Ноокат, Кадамжай райондорунун ортосундагы жерге кулаган", - деди басма сөз кызматынан.