Тик учак кырсыктаган жерге үч "Тез жардам" бригадасы жөнөтүлдү

Тик учак кырсыктаган жерге Ноокаттын борбордук "Тез жардам" медициналык борборунун үч "Тез жардам" бригадасы жөнөтүлгөн. Бул тууралуу Саламаттыкты сактоо жана социалдык өнүктүрүү министрлигинин басма сөз кызматынан билдиришти.

Маалыматка ылайык, Ноокат жалпы медициналык практика борборунун директорунун орун басары Эртабылды Коккозовдун ыкчам маалыматы боюнча, Ош облусунун Ноокат районунун Кичи-Алай районунда тик учак менен авария болуп, анын кесепетинен адам курмандыктары бар.

"Кошумча маалыматтар жабыркагандар ооруканаларга түшкөндө берилет", - деп айтылат маалыматта.