Чек ара: "Тез жардам келип". Чоң-Алайдагы алгачкы сүрөттөр жарыяланды

SUPER.KG порталына Чоң-Алайдагы Тажикстан менен болгон чек арага жакын айылдардын жашоочулары аталган аймактагы сүрөттөрдү жөнөттү.

"Аскерлер өздөрү кеткиле деп чыгарып жатат. "Тез жардам" кызматы дагы келди. Учурда эл айылдан чыгып кетүүдө", - деди атын атагысы келбеген жергиликтүү тургун.

Буга чейин Улуттук коопсуздук боюнча мамлекеттик комитетинин төрагасы Камчыбек Ташиев жергиликтүү тургундардан ээлеген аймагынан кетип турууну суранганы кабарланган.

Белгилей кетсек, Кыргыз-Тажик мамлекеттик чек арасында бүгүн, 4-июнда абал кайрадан чыңалды. Мамлекеттик чек ара кызматынан кабарлашкандай, Ош облусунун Чоң-Алай районуна караштуу Унжу-Булак айылында тажик тарап түнкү саат 03:00дө Кыргыз жергесинин аймагына кирип, Чоң-Алай районунун Унжу-Булак аймагындагы чек аранын сүрөттөлө элек тилкесине контейнер коюшкан. Ал эми саат 06:00гө карата тажиктер орнотулган контейнерден 600 метр алыстап кетишкен.