Садыр Жапаров: "Сот жана укук коргоо органы негизги функцияларын аткара албай жатышат"

Бүгүн, 7-июнда президент Садыр Жапаров сот жана укук коргоо ишин өркүндөтүү маселелери боюнча кеңештин биринчи жыйынын өткөрүп жатат.

Анда ал сот жана укук коргоо органы негизги функцияларын аткара албай жатышканын айтты.

"Соттор жана укук коргоо органдары коомдо болуп жаткан процесстерден четте калбай жеке тажрыйба көрсөтүп тургандай саясий туруктуулук жана мыйзамдуулук алардын ишинен көз каранды. Соттор жана укук коргоо органдары миңдеген адамдардын тагдыры чечилип жаткан мамлекет институту. Андыктан судьялардын кесипкөйлүктүн төмөндүгүн, бир жактуулукту көрсөтсө жалпы мамлекеттин беделине шек келет. Канчалык ачуу болсо да калк айткан сөзгө маани берсек. Өлкөдө сот реформасы жүргүзүлүп жатканына карабастан сот жана укук коргоо органы негизги функцияларын аткара албай жатышат. Коомдо ушундай пикир сакталып жатат", - деди Жапаров.