УКМК: "Мамлекеттик чек арадан мыйзамсыз өтүп жүргөн туруктуу каналга бөгөт коюлду"

Мамлекеттик чек арадан мыйзамсыз өтүп жүргөн туруктуу каналга бөгөт коюлду. Бул тууралуу УКМКнын басма сөз кызматынан билдиришти.

Маалыматка ылайык, УКМК чек ара заставасынын кызматкерлери менен биргеликте мамлекеттик чек араны мыйзамсыз кесип өтүү үчүн туруктуу каналдарды түзүшкөн адамдардын ишмердүүлүгүнө бөгөт коюлду.

Кылмыш-жаза кодексинин 358-беренеси (Мамлекеттик чек араны мыйзамсыз кесип өтүү) жана 43-берене (Кылмышка кошо катышуу) боюнча кылмыштардын жана жоруктардын бирдиктүү реестрине катталган сотко чейинки өндүрүштүн алкагында Талас облусунун Манас районунун К.Б, Д.Р. жана М.А. аттуу 3 жергиликтүү тургуну кармалышты.

Маалымат боюнча, аталган тургундар чек араны контролдоо пунктунан тышкары жерден Кыргыз Республикасынан Казакстан Республикасы менен мамлекеттик чек арасынын кесилишинен жарандардан акча каражаттарын алып өткөрүү боюнча туруктуу канал түзүп алышкандыгы аныкталды.

Учурда сотко чейинки өндүрүштүн материалдары кошумча кароо үчүн сотко жөнөтүлдү.