Мамлекеттик каттоо кызматы: "Жумгал районунда 4 күн кызмат көрсөтүү болбойт"

Нарын облусунун Жумгал районунда 8-9-10-11-июнь күндөрү электр энергиясы өчүрүлөт. Бул тууралуу Мамлекеттик каттоо кызматынан маалымат таратты.

Жарыктын өчүрүлүүсүнө байланыштуу мекеме жергиликтүү тургундарга кайрылуу жасады.

"Жумгал райондук жарандык абалдын актыларын каттоо, калкты каттоо жана паспорттоштуруу бөлүмүндө жана "Унаа" мамлекеттик мекемесинин Нарын региондук бөлүмүнүн Жумгал секторунда калкты каттоо, жарандык абалдын актыларын каттоо, транспорт каражаттарын каттоо, курсанттарды тестирлөө мамлекеттик кызматтарын көрсөтүү мүмкүнчүлүгү болбойт.

Ошондой эле учурда жогоруда көрсөтүлгөн бөлүмдүн жана сектордун кызматкерлери жумуш графигине ылайык жумуш орундарында болушат жана жарандарга документтештирүү маселелери боюнча консультация беришет.

Ал эми мурда кабыл алынган табыштамалар боюнча паспорттор жана айдоочулук күбөлүктөр графикке ылайык берилет", - деп жазылат маалыматта.