"Жубайы менен жетелешип". Садыр Жапаров Түркияга жетти (фото)

Бүгүн, 9-июнда расмий иш сапары менен Түркияга учуп кеткен өлкө башчы Садыр Жапаров Түркияга жетти. Анын учактан жубай Айгүл Жапарованы жетелеп түшкөн сүрөтүн сүрөтчүсү Султан Досалиев жарыялады.

Иш сапарынын алкагында Садыр Жапаров Түркия президенти Режеп Тайып Эрдоган менен эки тараптуу сүйлөшүүлөрдү жүргүзөт. Мындан сырткары, Садыр Жапаров Кыргыз өлкөсү менен Түркиянын Стратегиялык кызматташуусунун жогорку кеңешинин V жыйынына катышат.

Расмий иш сапардын алкагында Садыр Жапаров Түркиянын улуу улуттук жыйынынын төрагасы Мустафа Шентоп менен жолугушуусу күтүлүүдө.

Ошондой эле мамлекет башчы кыргыз-түрк бизнес форумуна катышат.

Мындан тышкары, Садыр Жапаров Кыргыз өлкөсүнүн Түркияда иштеген жарандары, студенттер, диаспоралардын, коомдук бирикмелердин жана уюмдардын өкүлдөрү менен жолугушат.