Аламүдүндө сууга агып бараткан 10 жашар кызды куткаруу учуру (видео)

Бүгүн, 10-июнда Аламүдүн-1 кичи районунда сууга агып бара жаткан кыз куткарылып, медицина кызматкерлерине өткөрүп берилгени кабарланган.

Кызды куткаруу учурундагы видеону продюсер, актёр Адил Урдинов социалдык тармактагы баракчасына жүктөп, кыскача буларды баяндаган.

"10 жашар Аянанын өмүрү кыл учунда болду. Ал Тунгуч кичи районунан сууга түшүп кетип, Чолпон-Ата - Загорск көчөлөрүнүн кесилишине чейин (аралыгы 1 жарым чакырым) акты. Окуянын күбөлөрү кайдыгер караган жок. Арабызда чыныгы баатырлар жашайт тура. Кызды куткарып калган жарандын аты-жөнүн билген жокпуз. Куткаруу ишине милиция кызматкерлери жана унаа оңдоочу жайдын кызматкерлери аралашты", - деген ал.