Кыргыз-Түрк аба каттамдары аптасына 28 ирет жүргүзүлмөй болду
Кыргыз-Түрк аба каттамдарынын саны көбөйтүлөт. Өнөктөш өлкө Кыргыз өлкөсүнүн сунушун канааттандырганын тышкы иштер министри Руслан Казакбаев президент Садыр Жапаровдун Түркияга болгон расмий иш сапарынын жыйынтыгына комментарий берип жатып билдирди.
"Дагы бир маанилүү маселе - эки өлкөнүн жарандарынын сапарларын жөнөкөйлөштүрүү, атап айтканда визасыз режимдин мөөнөтүн узартуу талкууланды. Бул маселе жалпы жонунан каралды, андыктан миграция кызматтарынын жана Тышкы иштер министрликтеринин деңгээлинде дагы көп иштерди жасоо зарыл.
Авиакаттамдардын санын көбөйтүү маселеси дагы көтөрүлүп, биз тараптан аптасына 28 авиакаттам жүргүзүү суранычы келтирилди. Түркиянын президенти бул сунушка макул болду", - деди тышкы иштер министри.
Өлкө башчы Садыр Жапаров Түркиянын Анкара шаарына 9-июнда барып, 11-июнда кайтып келди.












1 |