Сабиз 100 сомдон! Эмне себептен анын баасы кымбаттап кетти?

Учурда жергиликтүү дүкөндөрдө сабиздин баасы 100 сомго чыгып кетти. Баанын кескин көтөрүлүп кетиши социалдык тармактарда кызуу талкуу жаратып, көпчүлүктү нааразы кылды. Эмне себептен баасы көтөрүлүп кеткендиги тууралуу SUPER.KG порталы Монополияга каршы жөнгө салуу мамлекеттик агенттиктин директорунун жардамчысы Ынтымак Осмоновго байланышканыбызда төмөнкүлөрдү билдирди.

"9-июнга карата чыгарылган маалыматтар боюнча, жалпы республикада сабиздин орточо баасы 50 сом болду. Баанын кыбатташы сезондук факторго байланыштуу. Үшүк жүрүп, жаңы түшүмдүн чыгышы 15-20 күнгө жылып кетти, ошол нерсе да өзүнүн таасирин берди. Ошол эле картошканын баасы көтөрүлүп, жаңы түшүм чыккан соң акырындык менен түшө баштаган. Бизде апта сайын мониторингдин баалары чыгып турат. Эртең жалпы бааларды мониторинг кылып, баалардын орточо эсебин чыгарабыз", - деди Осмонов.