Бул жылы жаздык эгиндер эң көп Чүй облусунда себилди

Ушул жылдын 24-майына карата республикада 663 миң гектарга жакын аянтка жаздык эгиндер себилди, бул өткөн жылга салыштырмалуу 1,3 пайызга аз. Бул тууралуу Улуттук статистика комитетинен билдирди.

Билдирүүгө ылайык, себилген айдоо аянттарынын эң чоң үлүшү Чүй облусунун чарбаларына - 31,5 пайыз, Ош облусунун - 16,4 пайыз, Ысык-Көл - 15,2 пайыз жана Жалал-Абад облустарынын чарбаларына - 13,7 пайызы туура келет.

Муну менен катар кант кызылчасынын айдоо аянты 2020-жылдын жаздык өсүмдүктөр эгилген аянтына салыштырмалуу 24,0 пайызга, жашылчалар - 3,2 пайызга, жаздык арпа - 0,1 пайызга көбөйгөн.

Мындан тышкары, ушул жылдын май айында айыл чарба өндүрүүчүлөрү тарабынан 74,0 миң гектар аянтта - күздүк эгиндерди азыктандыруу боюнча иштер жана 616,1 миң гектар аянтта жазгы айдоо иштери жүргүзүлдү.