БШК Бишкек, Ош жана Токмок шаарларынын укук коргоо органдарын шайлоо мыйзамдарын бузууларга чара көрүү боюнча окутуу уюштурууда

Борбордук шайлоо комиссиясы Бишкек, Ош жана Токмок шаарларынын укук коргоо органдарын шайлоо мыйзамдарын бузууларга чара көрүүгө окутуп жатат. Бул тууралуу аталган комиссиянын басма сөз кызматынан билдиришти.

Бишкек, Ош жана Токмок шаарларынын укук коргоо органдарынын кызматкерлери үчүн “Шайлоо мыйзамдарынын ченемдерин бузууларга байланыштуу чараларды иштеп чыгууда жана чара көрүүдө укук
коргоо органдарынын ролу” деген темада тренингдердин циклын өткөрө баштады. БШКнын төрайымы Нуржан Шайлдабекова Борбордук шайлоо комиссиясы шайлоо тутумун реформалоо процессинде шайлоо өнөктүгүнүн процессинде талапкерлерди жана партияларды колдон келишинче аз мүмкүнчүлүк болсун үчүн жарандарга тандоо укугун берүүгө ырааттуу иш жүргүзүп келатканын маалымдады.