Өзбекстандын Фергана облусунун башчысы менен Баткен облусунун ыйгарым укуктуу өкүлү жолукту

Министрлер кабинетинин Баткен облусундагы ыйгарым укуктуу өкүлү Абдикарим Алимбаев жана Өзбекстандын Фергана облусунун башчысы Хайрулло Бозаров жолугушту. Бул тууралуу Баткен облусунун ыйгарым укуктуу өкүлүнүн басма сөз кызматынан билдиришти.

Маалыматка ылайык, жолугушуу эки облустун туризмди өнүктүрүү багыты боюнча достук кызматташтык максатында уюштурулуп, эки тараптан тиешелүү облустук мекеме-ишканалар, район акимдери жана туризм багытында ишмердүүлүгүн жүргүзгөн туристтик компаниялар жана белгилүү маданияттын кызматкерлери, жаштардын өкүлдөрү болуп, эки облустан чоң делегация катышууда.

"Бул достук кызматташтык жана туризмди өнүктүрүү боюнча жолугушуу буга чейин эки өлкөнүн президенттеринин Ташкент шаарындагы достук жолугушуусунда эки тараптуу кызматташтыкты жогорку деңгээлге алып чыгуу боюнча макулдашууларынын алкагында өтүп жатат", - деп айтылат маалыматта.