Аксыда аты үркүп кетип, сууга түшүп кеткен баланы издөө иштери кайра башталды

Буга чейин Жалал-Абад облусунун Аксы районунун Жаңы-Жол айыл аймагында аты менен кошо сууга түшүп кеткен бала изделип жатканы кабарланган.

1-июнь күнү издөө иштеринен натыйжа болбогонуна байланыштуу убактылуу токтотулган.

Өзгөчө кырдаалдар министрлигинен кабарлашкандай, кечээ, 21-июнь күнү сууга агып кеткен баланы издөө иш-чараларын улантуу максатында ӨКМнын 5 куткаруучусу тартылды.

Бүгүн, 22-июнь күнү издөө иштери улантылат.