Депутат Атазов: "Кээ бир "сулуу чымчык" депутаттар, чиновниктер уурдаса, эмне үчүн карызды эл төлөшү керек?"

Бүгүн, 22-июнда Жогорку Кеңештин комитетинде "Жол фондун түзүү жөнүндө" мыйзам долбоору каралууда.

Депутат Шайлообек Атазов: "Ушул фондду ачпай туруп иш жүргүзгөнгө күчү жетпей жатабы?" - деп сурады.

Министрлер кабинетинин өкүлү акча каражаты жетишпей жатканын айтты.

Атазов: "Финансы министрлигинде коррупция болуп жатса, акча каражаты жетишпейт да. Эмне үчүн кыргыз элин, Кыргыз мамлекетин күрөөгө коюп карызды алып жатышат? Эмне үчүн кээ бир "сулуу чымчык" депутаттар, министрлер кабинетинин өкүлдөрү уурдаса карызды эл төлөшү керек?" - деди.

Депутат Нурбек Алимбеков бул нерсени биринчи далилдеш керектигин айтты.

Атазов: "Транспорт министрлиги эмне үчүн фонд түзүп элди тоношу керек? Фонд - бул коррупциялык схема".