Саламаттыкты сактоо министри: "Кыргыз өлкөсүндө COVID-19ду экинчи жолу кайталап жуктуруп алгандар катталууда"

Кыргыз өлкөсүндө COVID-19ду экинчи жолу кайталап жуктуруп алгандар катталууда. Бул тууралуу саламаттыкты сактоо жана социалдык өнүктүрүү министри Алымкадыр Бешеналиев SUPER.KG порталына билдирди.

"COVID-19ду кайрадан экинчи жолу жуктуруп алгандар бүгүнкү күндө катталууда. Себеби мен мурда белгилегендей, антитела 6 айдан 1 жылга чейин гана болот. Ошол себептен былтыр ооругандар быйыл кайрадан жуктуруп алып жатышат. Вакцина алгандар боюнча токтолсом, бардыгы пландагыдай өтүүдө. Бардыгыңыздарды вакцина алууга чакырабыз", - деди Бейшеналиев.

Буга чейин Бишкек шаарындагы Мамлекеттик санитардык-эпидемиологиялык көзөмөлдөө борборунун башкы дарыгеринин орун басары Айнагүл Рыскулбекова маалымат жыйында Бишкек шаарында коронавирус кайрадан жуккан учурлар болгон эмес, бирок эмдөөдөн кийин жуккан учурлар бар деген.