СOVID-19 оорусунун лаборатордук аныктоонун кызмат акысы арзандап, 788 сомду болду

СOVID-19 оорусунун аныктоо үчүн тест тапшыруунун тарифи арзандады. Тагыраагы, илдетти лаборатордук тастыктоо эми 788 сом болду. Бул туурасында Монополияга каршы жөнгө салуу мамлекеттик агенттигинен маалымдашты.

Маалым болгондой, Саламаттыкты сактоо жана социалдык өнүктүрүү министрлигинин Оорулардын алдын алуу жана мамлекеттик санитардык-эпидемиологиялык көзөмөлдөө департаментинин эсеп материалдардын негизинде акы төлөнүүчү мамлекеттик кызматтардын тарифтеринин кошумча прейскуранты макулдашылды.

"Мамлекеттик агенттиктин 25-июнундагы №19 буйругуна ылайык, акы төлөнүүчү ПЦР-методу менен СOVID-19 оорусунун лабораториялык диагностикасынын (сапаттуу аныктоо) тарифинин өлчөмү 788 сомду түздү. Мурда колдонулган тарифтин өлчөмү 1574 сом болчу. Муну менен тесттин кызмат акысы 786 сомго азайды", - дешти мекемеден.