"Кыргыз темир жолу" ишканасына Азамат Сакиев башкы директор болуп дайындалды

"Кыргыз темир жолу" мамлекеттик ишканасынын башкы директору болуп Азамат Сакиев дайындалды. Маалыматты аталган ишканадан кабарлашып, тиешелүү буйрукка 25-июнда кол коюлганын билдиришти.

Министрлер кабинетинин төрагасы Улукбек Мариповдун буйругу менен Транспорт жана байланыш министрлигинин алдындагы "Кыргыз темир жолу" ишканасынын башкы директору болуп Азамат Сакиев дайындалды.

Азамат Сакиев 1989-жылы туулган. Үй-бүлөлүү, бир баланын атасы.

Билими жогорку, башкаруу адиси (Nottingham University UK, International Business; Malaysia).

2019-жылы "Кыргыз темир жолу" мамлекеттик ишканасында эмгек жолун баштаган, кызматка дайындалганга чейин ишкананын материалдык-техникалык камсыздоо боюнча филиалынын "Мамлекеттик сатып алуулар" бөлүмүнүн башчысы кызматын ээлеген.